469
Rüsch — Algo_rhythmus
Artist: → Rüsch
Rüsch — Algo_rhythmus — lyrics
Tik,Tok — d’Zyt lauft
Zeig mr s’Produkt und ich weiss, wer’s chauft
Ob uf Instagram oder suscht im Netz:
Es sind all’ so nett, ich nimm’ all’ is Bett
Mir sind ei Mänschheit, ei Wält
Für Friede, Freiheit
Ändlich bereit, wer hät gseit ohni Leid?
Unentzweit zieh’ mer a dem Strick und sind eis
Mir sind gschickt und gsehnd’s gliich
Stönd da a dem Gleis…
Wänn chunt ändlich de Zug? —
De Zug is Paradies?
Bin wieder uf Entzug
Mr gaht’s scho richtig mies
Wett wüsse won ich stah
Und was ich dänn cha ha
Mag nüme warte da…
Im Dunkle verwacht — um mich ume isch Nacht
Und ich ghöre dе Krach vom Tag us wiiter Entfernig
Da wird mir bewusst: Was da chunt, das wird lärmig
Ich еrkänn’ i de Dämmerig, finschteri Gstalte
Berächnend verwalte zum möglichscht vill bhalte
Und s’chönt ihne glinge, will sie leged Schlinge
Und rüschtet sich us zum eus alli bezwinge
Dänn schlaf’ ich wieder ih
Träum’ vo de heile Wält
Bin churz problematisch gsi
Doch de Algorithmus zellt
Er teilt und herrscht, gruppiert
Laht eus rede und isch stumm…
Dänn wach’ ich wieder uf und rüef
Herr Jesus chum
Herr Jesus chum!
Mir händ no bizzli Zyt und das chunt grad gläge
Mit wenig Schnuf wett ich öppis säge
Dänn stahn ich uf und triff diä Wahl
Zum Klartext rede aber s’schiint egal
Will sie sind am quassle, schwafle, chatte
Jede weiss, wien er sini Wält cha rette
Wiä grausam, dass jede i sim Mindset chillt
Da git’s eifach nüt meh wo für alli gilt
Und alli teilet Züg
Händ schrägi Maske ah
Aber niemer luegt sie ah
Niemer luegt sie würklich ah
Ich luege zu de Sterne
Ich wünscht ich wär dihei
Gsägnet simmer zäme
Verdammt sind mir ellei
D’Gruppe sind zueteilt und guet bewacht
D’Hashtags gsetzt, d’Studie gmacht
Guet Tag, guet Nacht
So isches brav
Mr träumed zwar
Aber nöd im Schlaf
Und mir glaubed no immer, es wärdi nöd schlimmer
Verschwindet im Zimmer und startet s’Geflimmer
Hey simmer so leer oder simmer am flüchte
S’wird Zyt, dass mr öppis mit Zuekunft züchtet
Ez stahn ich uf dem Land
Min Ruggä isch verspannt
Ich chraz de Bode uf
Und säe mit schwerem Schnuf
E Träne wünscht ich mir
Wo uf de Bode fallt
Aber dafür isches z’chalt
Herr Jesus chum…
Herr Jesus chum!
Herr Jesus chum!
Read completely
